عيش ندل تموت محروق

بمناسبة منع جالاوى من ادخال قافلته كاملة من معبر رفح فيديو كارتون اسرائيلى يتحدث عن الحصار

2009-03-09T01:43:00.000-07:00

وده كواليس الفيديو واللى عملوه بيتكلموا عنه

Gaza song by Michael Heart

2009-01-13T10:24:00.000-08:00

the video on youtube

the song mp3
http://www.4shared.com/file/80397184/5a3a9580/Michael_Heart_-_We_Will_Not_Go_Down__Song_for_Gaza_.html

the lyrics

A blinding flash of white light
Lit up the sky over Gaza tonight
People running for cover
Not knowing whether they’re dead or alive

They came with their tanks and their planes
With ravaging fiery flames
And nothing remains
Just a voice rising up in the smoky haze

We will not go down
In the night, without a fight
You can burn up our mosques and our homes and our schools
But our spirit will never die
We will not go down
In Gaza tonight

Women and children alike
Murdered and massacred night after night
While the so-called leaders of countries afar
Debated on who’s wrong or right

But their powerless words were in vain
And the bombs fell down like acid rain
But through the tears and the blood and the pain
You can still hear that voice through the smoky haze

We will not go down
In the night, without a fight
You can burn up our mosques and our homes and our schools
But our spirit will never die
We will not go down
In Gaza tonight

عملية الاسكندرية

2008-12-05T04:24:00.000-08:00

ابداع مصرى اسكندرانى عجبنى جدا

ماذا تعرف عن أزمة حجاج غزة؟

2008-12-05T04:03:00.000-08:00

المسألة بسيطة خالص

واحد عادى وعاوز يروح يحج

هيروح وزارة الأوقاف ويدخل القرعة ولو اتقبل يبقى هيروح يحج تمام

هذا ما يحصل فى كل انحاء العالم حتى فى غزة العام الماضى حدث ذلك

طيب فين المشكل دلوقتى؟؟؟؟؟؟؟؟؟

بعد ما الناس راحت وسجلت فى وزارة الاوقاف فى غزة التأشيرات بتاعتهم لقوها فى رام الله وعباس رفض يعطيها لسلطة حماس فى غزة

ووزع التأشيرات على أصحابه وأهله والفتحاويين فى غزة ومن غير قرعة ولا يحزنون.

دلوقتى بقى فى وفدين حجاج فى غزة

حكومة حماس قالت مفيش مشكلة وطلبت من السعودية تأشيرات زيادة

السعودية الى الآن رافضة ومعبر رفح مغلق

وربنا ييسر أمور حججاجنا

حتى عباس من أعطاهم تأشيرة لم يعطهم جواز سفر

حتى هؤلاء لن يستطيعوا تأدية الحج

الضرائب مصلحتك عند أم التيتى

2008-07-27T15:41:00.000-07:00

ده الاعلان بتاع التلفزيون
اللى زهقنا منه

ودى التهليس عليه
روعة أوعى يفوتك

المعتقل

2008-06-30T16:32:00.000-07:00

كنت نازل فى يوم من الأيام رايح الراوند الساعة 11.5
وركبت التاكسى وصل ناس فى أماكن بعيدة وقعد يلف بيا قبلها طبعا
المهم الراجل بدأ فى الكلام وطلع زى الراجل بتاع ميلودى تماما وأكبر كوابيس حياتى بدأ فى التحقق
وبدأ الحوار:
السائق: انت رايح الجامعة ليه يا باشا هو لسه فى امتحانات؟؟؟
أنا : لأه مفيش امتحانات ولا حاجة انا رايح الراوند
السائق : أمال بتعملوا أيه فى الجامعة دلوقتى؟؟
أنا : لسه بنآخد المنهج ومش هنخلص دلوقتى خالص
السائق : ليه هو حضرتك فى سنة كام؟
أنا : فى خامسة طب
السائق : أمال هتخلص امتى؟
أنا : مفيش أجازة بين خامسة سادسة طب
السائق : أمال بتعملوا أيه فى الوقت ده كله؟
أنا : المفروض بنذاكر
السائق : على كده عندكوا كام مادة؟
أنا :مادتين
السائق : مادتين بس؟ ده الواحد كان زمانه حفظهم صم وقفل الامتحان
أنا : بس فى مادة منهم 12 كتاب
السائق: آآآآآآآه ماهو باين على وشكوا الكآبة والاحباط والخنقة
أنا : يا عم أنا لسة صاحى من النوم "مش طالباك انت كمان!!"
السائق : انت بقه أكيد اتخصصت؟ اتخصصت أيه بقى؟
أنا : لأ طبعا لسه مش اتخصصت؟
السائق : يالهوى أمال بتطلع تشتغل أيه لما تخلص الكلية دى؟
أنا :بتطلع نائب فى المستشفى يعنى ممارس عام لحد لما آخد الماجيستير علشان اتخصص
السائق : وأيه بقى الماجيستير ده؟
أنا : بتذاكر المواد اللى انت خدتها قبل كده وتمتحن فيها تانى وممكن تاخد فى سنة ونص سنتين يمنك تلاتة؟
السائق : مذاكرة تانى يا دى النيلة السودة وبعدين؟
أنا: بتآخد الدكتوراة ودى بقى بتقعد تذاكر فيها من ثلاث الى خمس سنين
السائق : يابنى أنا أحسنلى أروح أقعد فى المعتقل السنين اللى انت قعدتها فى الكلية دى والله اروح المعتقل أحسن
ده انتوا عايشين عيشة انيل من المعتقل

طبعا غالبا الراجل ده ماجربش المعتقل من كلامه وربنا يهدى

باراك حسين أوباما

2008-06-21T13:50:00.000-07:00

لمن لا يعرف باراك اوباما
فهو مرشح الحزب الديموقراطى للانتخابات الامريكية التى ستجرى فى نوفمبر القادم
يقول عن نفسه عمى يشبه بيرنى ماك وهو ممثل امريكى أسود وخالتى تشبه مارجريت تاتشر رئيسة وزراء بريطانيا سابقا
وان له أقرباء فى جميع قارات العالم تقريبا
ولد لأب مسلم كينى كان قد ذهب الى امريكا لكمال دراسته
وتزوج امه وهى امريكية بيضاء مسيحية وانجبا اوباما
تركهم والده وانفصل عن أمه وهو عنده سنتين ولذلك هو لا يعرف أو يتذكر والده
فى ذلك الوقت تزوجت أمه مرة أخرى من مسلم اندونيسى وسافرت الى اندونيسيا
وبعد ان توفت امه اعتنى به جده وجدته فى هاواى وظل هناك الى ان ذهب لدراسة المحاماة فى هارفارد

باراك اوباما الآن همه الوحيد هو ابعاد تهمة اسلامه عن الطريق
التى يستمر الجمهوريون بوضعها على الطاولة
باراك يعتبر حتى الآن هو أحسن الوحشين
فحتى من سمع خطابه أمام الايباك بدى أنه لا يعبر الا عن دعاية انتخابية
فوجهة نظره هى التحاور والجلوس مع أحمدى نجاد وهو من يقول بزوال اسرائيل
وبذلك فبالنسبة الى كل من ماكين الذى يهدد بضرب ايران وكلينتون التى كانت تقول انها ستمحوا ايران
فهو كلام معقول
أوباما لن ياتى لنا بحقوقنا
ولكن ستخف هجمة امريكا على العالم العربى والاسلامى
وسيخرج الاتحاد الاوروبى من الكبت الذى سببه له بوش وسيأخذ مواقف أكثر جرأه ضد أمريكا

المشكلة
ان الشعب الامريكى تنتشر فيه العنصرية ولن يستطيع ان يصوت لرجل اسود
حيث كشفت استطلاعات ان ربع مؤيدين الديموقراطى من اتباع كلينتون سيصوتون لماكين أى خارج الحزب تماما

ليس علينا الا انننتظر ونرى ما سيفعله اوباما وندعى الله الا يكون مثل بوش الذى صوت له المسلمون وبعد ذلك خرب الدنيا فوق راسنا

الاخوان والفن

2008-06-19T05:32:00.000-07:00

كان موقف الإخوان واضحا تماما من الفن والتمثيل
وكان عبد المنعم مدبولى من الممثلين فى فرق مسرح الإخوان قبل ان يتجه بعد ذلك الى التلفزيون والسينما والمسرح
أولا
السينما والتلفزيون فى مصر مؤثرة لدرجة كبيرة جدا
وهى تستخدم ليس فقط لتوضيح الواقع والصورة الذاتية للمصريين
بس هى بتنفذ أجندات سياسية
أهمها تشويه صورة الاسلام وتعاليمه وتشويه صورة المتدينيين فى المجتمع سواء اسلاميين حركيا أو مواطن مالوش دعوة بحاجة
وطبعا مش محتاجين أى مثال
فالسينما بتاعت أيام زمان كان كل بيت فى خمارة وكل ست عندها بدلة رقصة
والسينما بتاعت التسعينات كانت الناس اللى بتطلع بدقون يقتلوا الناس وشكلهم زى كفار قريش ويبيتكلموا العربية الفصحى
وطبعا ماحدش كان بيفرق بين تكفير وهجرة وبين أخوان مسلمين كلهم بدقون
لدرجة جعل فى العقل الباطن للشعب المصرى ان الاخوان دول ماشيين والرشاشات فى الجلابية
حتى انا كنت بكلم واحد صاحبى وكنا فى ثانوية عامة وكنت لما أجيب سيرة الاخوان كان يقوللى انتوا مخبيين طاياراتكم الحربية فين
والدبابات حطينها فين
الاختلاط ساعات مش مقصود ولكن دايما بيبقى مصيبة
فيلم طيور الظلام بتاع عادل امام بيقول ان الاخوان كويسين وبيلبسوا بدل وكارافتات ولكن بالليل بيمسكوا السلاح ويروحوا يقتلوا فى الشرطة
فيلم عمارة يعقوبيان مصور ان اللى بيطلعوا فى مظاهرات ضد اسرائيل فى الجامعة هما هما نفس الجماعات اللى بتدرب على السلاح
ولما الواحد يتعذب فى القسم بيروح يمسك السلاح ويقتل الظابط
فى حاجات غلط فى الطرح
أولا اللى بيعذبك بيغمى عينيك غالبا
ثانيا:الحكاية مش ثأر علشان تاخده ده ابتلاء واختبار

المهم
على الإخوان تربية كوادر اعلامية وعمل افلام ضخمة الميانية حتى تعرض ولو فى الخارج
حتى الدخول فى المجال السينمائى انتاجا او اخراجا
فاذا كنا دخلنا فى السياسة والرياضة على انها من شمولية الاسلام فلم لا الفن والتمثيل
طبعا الحكاية عايزة دراسة شاملة ولكن هل الفكرة أصلا مطروحة
هل مثلا فكرة قناة تلفزيونية مفتوحة ام لسه بدرى

ثانيا
التواصل مع الممثلين هام جدا أنا هاذكر موقف لممثل هو خالد ابو النجا
كانوا مستضيفينه مع عمرو أديب ساعة حكاية التحرش فى وسط البلد
وعمرو أديب عمال يقولله نعمل ايه فى الحكاية دى
قاللوا هو الحكاية دى مش حصلت ساعة الانتخابات لما البلطجية كانوا بيمنعوا الستات فمن دخول اللجان
وبيتحرشوا بيهم
راح عمروا أديب مغير الموضوع تماما
وسلام

استمتع لما

2008-06-17T12:31:00.000-07:00

استمتع لما أستمع لهؤلاء

سياسيين

خالد مشعل :رئيس المكتب السياسى لحماس

فمنطقه فى الكلام يجعلك تقف باحترام وتصفق له
وهنا أذكر موقف
حاورته قناة سكاى نيوز الامريكية وكانت اسئلة المذيع زى الزفت وكان يصحح له
وحينها سأله المذيع سؤال قال له لماذا تستهدفون المدنيين العزل بصواريخكم وتقتلون الاطفال والنساء والشيوخ
رد عليه قائلا: نحن نملك اسلحة بدائية من صنع ايدينا ولم تصنع فى مصانع تحت تكنولوجيا عالية كاسرائيل وانا من هنا اوجه رسالة الى الامريكيين انهم اذا ارادوا الحفاظ على حياة الاسرائيليين المدنيين ان يعطونا اسلحة متطورة وصواريخ ورادارات حتى نتجنب اصابة المدنيين فى هذا الوقت لن نضرب المدنيين ولكن على الجانب الآخر فاسرائيل عندها كل التكنولوجيا وحتى الآن تستهدف المدنيين مباشرة
طبعا المذيع انخرس وغير الموضوع فورا

2-اسماعيل هنية:رئيس الوزراء الفلسطينى
تواضع وثقة فى الله بلا حدود
عندما أسمعه اتذكر فورا قوله تعالى { محمد رسول الله والذين معه أشداء على الكفار رحماء بينهم تراهم ركعاً سجداً يبتغون فضلاً من الله ورضواناً }
وخاصة عندما تسمعه يقرأ القرآن ويصلى بالناس التراويح فى رمضان أو يصلى ويخطب الجمعة

3-محمود الزهار:وزير الخارجية الفلسطينى السابق وقيادى فى حماس
من يرى موقفه فى غزة والهجوم المتواصل من قبل الاحتلال واتباع عباس على بيته
وقوته فى الحق مع استشهاد ولديه الاثنين من قبل الاحتلال
يعلم ان هذا الرجل يحمل ايمان الصحابة والتابعيين

4-د.عصام العريان ود. عبد المنعم أبو الفتوح : فهم يمثلون وجهة نظر منفتحة كثيرا على الشعب وباقى الاحزاب والجماعات السياسية وهم غالبا من يتحدثون باسم الاخوان فى البرامج التلفزيونية وفى نهاية كل برنامج عندما يحصروا محاوريهم فى الزاوية يردون عليهم انتم لا تمثلوا الاخوان لو الاخوان كده احنا معاكوا

5-حسن نصر الله : وهو الذى قهر اليهود ويأسر الى الان جنديين ومنع حربا اهلية فى لبنان
والرجل له واقعة اذههلت الاعالم عندما قال ان بارجتكم تحترق روحوا الحقوها

6-على خامنئى وأحمدى نجاد:فكلماتهما عن حقوق المظلومين وخاصة الفلسطينيين لم نعد نسمعها فى الوطن العربى كافة ولجئنا الى مترجمين عن الفارسية حتى نفهم الكلام
وعلى سبيل المثال أحمدى نجاد عندما ذهب الى امريكا وقدمه رئيس الجامعة على انه ديكتاتور وضد حقوق الانسان وسبه
رد عليه قائلا نحن فى ايران علمنا الاسلام الا نسب ضيوفنا ومن استضفناهم فى بيوتنا واذا اتيت الى ايران لن نعاملكم بالمثل
فاسلامنا السمح دين عظيم واستطرد فى المحاضرة

7-باراك أوباما: فكلماته وهو فى الانتخابات توحى بامريكا لا تقدم على حروب وعلى صدق كلامه فهو سيوجه الاموال التى تصرف فى العراق على الجيش الى المدارس والمستشفيات
كلامه أثر فى الواحد لأننى رأيت انتخابات جادة يفوز من يؤثر فى الناس ويعطونه ثقتهم
زيادة على انه متحدث بارع وانه كينيدى الثانى

مفكرين

8-محمد حسنين هيكل: طبعا كلامه وبرنامجه على الجزيرة أكثر من رائع
ولكن الاروع هو كلامه عن الامن القومى العربى وانتقاده للرئيس مبارك حينما تضمن خطابه الامن المتوسطى
وقال ان من كتب هذا الخطاب لا يعرف شيئ عن الامن القومى
تحليله الأكثرمن رائع للاحداث على الساحة اليوم يستحق تحية
مع اختلافى معه وعلى خياراته فى السابق ولكن يظل الرجل ساحر فى المجال السياسي

9- المفكر العربى عزمى بشارة :الرجل ظل نائبا فى الكنيست الاسرائيلى أكثر من عشر سنوات حتى اتهموه بالتآمر على اسرائيل وطرد منها الرجل مفكر قومى ولكن مواقفه من ذهب فهو لم يتعنت عندما فات حماس فى السلطة ولكن اصر على حق الشعب فى اختيار من يمثله مع أنه مسيحى ولا يؤيد فكر الاخوان
ولكن اطروحاته السياسية رئعة وتحليله مبهر
من اجمل ما قال أن العرب وضعوا انفسهم فى موقف لا يحسدون عليه فى العراق
فتراكم مواقفهم الخاطئة أدى الى الخسارة فى أى حالة أو سيناريو فى العراق
اذا خرجت امريكا فالعرب خاسرون
واذا بقت امريكا فالعرب خاسرون
وقال هذه عبقرية مش أى حد يستطيع يعملها

10-عزام التميمى:رئيس معهد الفكر السياسى الاسلامى فى لندن
وصاحب قناة الحوار وصديق شخصى لجيمى كارتر
حيث اتصل به الاخير ليعرف ماذا حدث فى غزة مؤخرا .
يظهر على قناة البى بى سي الدولية ليمسح بكرامة اسرائيل الأرض هى ومن يناصرها

11-تميم البرغوثى:دكتور فى العلوم السياسية من جامعة بوسطن أبوه فلسطينى وامه مصرية
اشتهر من برنامج شاعر المليون من اشهر قصائده فى القدس كما قال شعر بالعامية المصرية

قطر .......اللغز الغامض

2008-06-11T15:04:00.000-07:00

ما نراه الآن على الساحة العربية غريبا لدرجة لم يكن يتخيلها أحد
السبب فى ذلك
هو ما حدث فى قطر
الجامعة العربية بكل ثقلها كانت تضغط من أجل حل فى لبنان ولم تأت بشئ
وعمرو موسى كان بصراحة قارفنا كل يوم فى لبنان
ودولة قطر الأصغر من محافظتنا فى مصر تحل المشكلة

الدول الصغيرة الآن بدأت تأخذ دور هو كبير جدا
والدول الكبيرة تخلت عن كل شيء
فى العالم العربى خاصة يجب ان تكون هناك قيادة حكيمة تبتعد عن التعصبات والحزبيات والتدخلات الخارجية
فبعد ان انحازت مصر والسعودية لطرف دون آخر لم يبق للمتخاصمين الا البحث عن دولة محايدة لا تسعى الا للصلح بينهم

الحديث عن قطر يحمل الكثير من المواقف التى تقف امامها وتقول سبحان الله ماذا يحدث؟
قطر أولا :على أرضها أكبر قاعدة امريكية فى الخليج وهى مركز العمليات فى الشرق الأوسط للقوات الأمريكية
ثانيا :لها علاقات مع اسرائيل فشيمون بيريز زار قطر ومؤخرا زارتها ليفنى وهى من المتعصبين اليهود ونائبة رئيس الوزراء الاسرائيلى وأعطت محاضرة عن كيفية محاربة التطرف الاسلامى ووقف لها وغسلها النائب العربى فى الكنيست أحمد الطيبى.
ثالثا: لها علاقات أكثر من قوية وصداقة ومعاملات تجارية وثقافية مع ايران وهى العدو اللدود لامريكا ويزور ايران رئيس الوزراء القطرى بانتظام كما انها لأول مرة فى التاريخ دعت رئيس ايران لحضور قمة مجلس التعاون الخليجى.
رابعا: لها علاقات قوية جدا مع حماس وقام بزيارتها مؤخرا قبل اسبوعين الدكتور محمود الزهار وكان قد زارها اسماعيل هنية ويزورها باستمرار خالد مشعل رئيس المكتب السياسى لحماس ويلتقى كل منهم شخصيا بالامير القطرى
وقد دعمت قطر وزارة اسماعيل هنية اثناء الحصار الدولى كما انها عرضت على المصريين توصيل الغاز لغزة مجانا ولكنهم رفضوا
خامسا :لها علاقات مع حزب الله وبعد الحرب على لبنان زار الامير القطرى بنفسه الضاحية الجنوبية وراى حجم الدمار والخراب ووعد بمساعدات طائلة للبنان استلمت مؤخرا.
سادسا :تمول قطر قناة الجزيرة ماديا وهى القناة العربية الاكثر تأثيرا فى الشارع والأكثر اعاجا لجميع الحكومات سواء عربية أو أجنبية وليس غريبا ان بوش من كثرة غيظه أراد هو وتونى بلير تهديم القناة بصاروخ فى وثائق كشفت وفضحته

كل هذه التناقضات الصعبة والحادة لم تأت الا فى مصلحة قطر
التى بدأ يكون لها دور حقيقى فى المنطقة رغم انها تقول انها دولة صغيرة ولا تريد دورا أكبر منها

فى برنامج بلا حدود أشار عزمى بشارة الى ان الدول العربية الكبرى كالسعودية ومصر عليها التعامل مع امريكا كما تتعامل قطر وألا يكون التعامل املاءات امريكية وتنفيذ عربى.

فبوش فى جولته الاخيرة لم يكن راضيا عن قطر ولم يزرها فى جولته فى الشرق الأوسط
قطر تعرف ان الامريكان سيرحلون عن الخليج ولن يتبقى الا ايران والدول الخليجية فعليهم حل نزاعاتهم سويا وسلميا

ولا تلومن الا نفسك

2008-06-08T10:51:00.000-07:00

الدول العربية كافة لم تسكت فى يوم من الايام منذ غزو العراق عن ذكر التدخل الايرانى فى العراق وان شيعة العراق ولاءهم لايران وأن الامبراطورية الصفوية والامبراطورية الفارسية ستتجه الى الغرب لاحتلال الوطن العربى وان كل مشاكل العراق جاءت من تحت راس ايران.

وبالتحليل نعود الى ما قبل الحرب الاخيرة ونرى ماذا فعل العرب حتى يكون لهم حتى حق الكلام عن العراق.

مع اندلاع الثورة الاسلامية ارتعب العرب وانا اقصد الحكام بالطبع وسمعنا مرارا وتكرارا تصدير الثورة الاسلامية والتحذير منها وعواقبها ،ولما شهد العالم ان الثورة فى ايران لم تعد بالمجتمع الى آلاف السنين الى الوراء وانها رسخت مبدأ الشورى، تغير العنوان واصبح العدو الفارسى يريد ان يغير علينا مع العلم ان اللغة العربية هى اللغة الثانية فى ايران وليست الانجليزية ، وهنا افتعل صدام الحرب اعتمادا منه على شيئين أولهما الدعم العربى السخى من دول الخليج ومن العرب عموما ومن لم يستطع تقديم المال قدم الدعم المعنوى والاعلامى واصبحت معركة العرب هى ضد ايران ليست امريكا واسرائيل.
خسرت الثورة الوليدة فى طهران الكثير خلال الحرب ولكنها استطاعت ان تدافع عن نفسها .
والدعم الخاطئ لظالم فى حربه ضد مظلوم عاقبته لم تكن بعيدة فانقلب عليهم صدام واحتل الكويت وبدل من ان يدافع العرب عن انفسهم استدعوا امريكا الى المنطقة بجيوشها واساطيلها واصبحوا بذيل امريكا فى كل ما تفعله
تحررت الكويت ولكن" دخول الحمام مش زى خروجه "فامريكا لن ترحل ولو بعد حين لقد جاءت فى اغنى منطقة بالنفط فى العالم
نأتى للحظة الحاسمة عندما قرر بوش غزو العراق
بوش لم يغز العراق من ايران وانما من قلب الدول العربية والخليجية واسلحته كلها مرت عبر قناة السويس
وايران لم تسمح لجندى امريكى واحد بدخول اراضيها مع ان صدام هو الد اعدائها حتى تركيا التى لها اقوى العلاقات مع امريكا واسرائيل رفضت مرور قوات عن طريقها
الموقف الآن بالنسبة لايران كانت من المفروض ان تشجع امريكا على ضرب صدام ولكنها رفضت الاحتلال ودعت الشعب الى مقاومته
وهناك من يقول ان امريكا لم تكن تستطع احتلال العراق الا بمساعدة ايران وماذا كان المطلوب من ايران ان تدخل فى حرب مع امريكا لمساعدة عدو ايران صدام
ايران الآن تنفذ كل ما يحلو لها ويؤمن مصالحها وقوتها فى العراق فهى تدعم العملية السياسية اذا رأت استقرار فى البلد او ما شابه وتدعم المقاومة والصدر اذا ضغطت عليها امريكا فى اى ملف من ملفاتها.
ايران ليست ملاك فلها اخطاء ايضا فى العراق ومواقف لا نوافق عليها ولكن هى تحاول حماية نفسها.
ايران تدير ازماتها على الصعيد الدولى بشكل ياليتنا نتعلم منه
وهى بلد محاصرة من الناتو شمالا فى افغانستان وامريكا جنوبا وغربا فى العراق
ومع كل ذلك تسعى لبرنامج نووى من صنع الايدى الايرانية "مش البرنامج المصرى اللى اسرائيل عرضت المساعدة فيه ببلاش"وامريكا تهددها باستمرار
هذا غير انشاء محطة فضائية كاملة بالصواريخ حتى تضع الاقمار الصناعية فى الفضاء
غير الاعتماد الكامل على تصنيع الادوية محليا وعدم استيرادها
هذا غير الحصار الامريكى المفروض عليها
ومع كل هذا فان ايران تدعم المقاومة المسلحة فى لبنان وفلسطين
سياسيا واعلاميا وليس بالسلاح فقط
ولذلك فان من يقول ان ايران تتدخل فى العراق لمصالحها الخاصة
فاين كنت انت من مصالحك الخاصة واين انت الآن من مصالحك الخاصة وكلما تدخلت انت فى منطقة تنفذ مصلحة الامريكان الخاصة
كل الدول تعمل لصالحها ولصالح شعبها الا أنت
فلا تلومن الا نفسك

القنوات العربية.....ماذا أشاهد؟

2008-05-27T13:07:00.000-07:00

القنوات الفضائية الآن تتزايد بشكل مخيف
ولم يعد يستطيع الواحد أن يعرف من أين تلك القناة تبث ولصالح من ؟ ولأى أجندة
لذلك سنقوم بتحليل بسيط لأهم القنوات العربية على النايل سات والعرب والاتلانتك برد
أولا الجزيرة: طبعا غنية عن التعريف وهى القناة الاولى فى الوطن العربى توجهها هو توجه الشارع العربى غالبا وقطر لا تضغط أو تؤثر فى سياساتها الا فى قليل قليل القليل
تدافع عن قضايا الامة واتهمت بالتطبيع مع اسرائيل الى ان قاطعتها اسرائيل بعد ازمة معابر غزة الاخيرة ودورها الفاعل فى تحريك الشارع العربى كما فعلت فى حرب تموز على لبنان
مدير القناة هو وضاح خنفر فلسطينى الاصل عمل مراسلا للقناة فى العراق لفترة ثم تولى منصب مدير الشبكة بالكامل وهى عبارة عن القناة الاخبارية والاوثائقية والاطفال والمباشر والرياضية والانجليزية
ابرز الاعلاميين أحمد الشيخ واحمد منصور وفيصل القاسم وغسان بن جدووسامى حداد كما يقدم محمد حسنين هيكل برنامجه الاسبوعى على نفس الشاشة
ثانيا قناة العربية:انشأت لضرب قناة الجزيرة وموجهة فى الاساس لجمهور الخليج
تسمى فى الشارع الفلسطينى بقناة العبرية لعدة اسباب اهمها انها لا تقول شهيد بل قتيل وتقول العمليات الانتحارية وليس الاستشهادية
ولو ارادت اسرائيل ان تبث قناة لما استطاعت ان تتغلب على ما تقوم به قناة العربية
هى لا تمثل المحور الامريكى الصهيونى بل تمثل التيار المتشدد فى اسرائيل
فهى تبرر كل مايحدث من قتل للفلسطينيين لان الفلسطينيين يحملون السلاح كما انتقدت على طول الخط حزب الله فى أوج حرب تموز
وتشن حملات اعلامية متواصلة ضد المقاومة كما ان لها دور لا ينكر فى فى ازكاء الفتن فى المنطقة بين فتح وحماس وبين الموالاة والمعارضة فى لبنان حيث كان العنوان انقلاب حزب الله "حزب الله يستولى على بيروت الغربية السنية"
مدير القناة هوعبد الرحمن الراشد من المنظرين للهزيمة والاحباط وتسليم كل شيء لامريكا واسرائيل
العاملات من النساء فيها شرط لعملهم غالبا ضرب السيليكون وفى غالبا مذيعة زودت الجرعة شوية
كانهم كلهم اتحطوا فى قالب واحد واخرجوا المذيعات أو أفضل يقال الموديلات تقريبا حتى تجذب المشاهد الله اعلم

ثالثا قناة العالم :قناة ايرانية تهتم بالشأن الايرانى والسورى والمقاومة العراقية واللبنانية والفلسطينية بها برنامج يتحدث عن مصر
وكل العاملين بها من النساء محجبات

رابعا قناة الحرة: قناة انشأتها وزارة الخارجية الامريكية وهى امتداد لاذاعة سوا الغنائية برامجها غالبا ضعيفة ومعظمها يتكلم عن حقوق المراة والتحرر من الرجل والضغط النفسى على المرأة وحق الالحاد وتغطى الانتخابات الامريكية باللغة العربية هى الفائدة الوحيدة

خامسا قناة البى بى سى العربية:قناة جديدة لم تكمل سنة واحدة ولها قدر كبير من المصداقية تخطى الكثير من القنوات
ظهر دورها الريادى فى تغطية الاحداث المصرية وخاصة الاضرابات الاخيرة
المذيعين لهم خبرة كبيرة فى المجال الاعلامى مدير الشبكة هو حسام السكرى وهو مصرى يعيش فى لندن
من المذيعين المتميزين سمير فرح ونور الدين زورجى ومحمود مراد ومحمود المسلمى

سادسا قناة الاقصى : وهى الفضائية التابعة لحماس وصراحة لا يوجد من الكلمات ما يعبر عنها فهى قناة جهادية تنقل احخبار فلسطين وخاصة غزة بعد ان منعت من الضفة لحظة بلحظة

سابعا قناة المنار :وهى الفضائية التابعة لحزب الله وهى غنية عن التعريف طبعا

ثامنا قناة الحوار :وهى قناة منوعة من تحليل اخبار وبرنامج يومى للمشاركة من الجمهور تم حذفها من النايل سات لتعديها الخطوط الحمراء ولكنها اعادت البث على اتلانتك بيرد ويمكن لتقاطها بسهولة لكل طبق يستقبل النايل سات فقط

تاسعا بعض القنوات اللبنانية
المستقبل: تيار المستقبل "سعد الحريري
الاو تى فى :التيار الوطنى الحر ميشيل عون نفس اسم القناة المصرية التى يملكها ساويرس ويبغى من خلالها ساويرس محاربة التطرف الدينى فى مصر والدفاع عن المناضلين من امثال دحلان القناة المصرية لا تختلف كثيرا عن العربية الا انها منوعة اما اللبنانية فهى مسيحية ايضا ولكنا تدعم المقاومة وحزب الله فى لبنان
الان بى ان :حركة امل نبيه برى
ال بى سى : حزب الكتائب اللبنانى امين الجميل والقوات اللبنانية جعجع
قناة الايه ان بى: واهم ما يمزها برنامج الى اين للاعلامية زينة فياض وهذا البرنامج من اروع البرامج الموجودة على الدش كله

القنوات الاسلامية مثل الرسالة واقرا والناس وقناة اناشيد الاطفال طيور الجنة

ونسأل الله ان يفيدكم بهذه المعلومات لو كان عندكم تلفزيون
وسلام

انقلاب حزب الله أم انقلاب الحريرى

2008-05-20T05:44:00.000-07:00

الوضع اللبنانى هو من اكثر الاوضاع تعقيدا فى منطقتنا العربية لكثرة الطوائف فى البلد الصغير
بعد ثورة الارز وخروج السورى من لبنان تدخلت الولايات المتحدة سريعا لتضمن ولاء لبنان فى معركتها ضد المقاومة واعتبارها حليف جديد للمعتدلين العرب
وسرعان ما حدث الانقسام فى لبنان بين الموالين لامريكا والمعارضين لها وانسحبت المعارضة من الحكومة واقامت الاعتصام فى وسط بيروت
وظلت الحكومة تحكم بدون شرعية لاكثر من عام وكان الحديث هنا سياسيا بحتا
الى ان جاءت اوامر السيدة السوداء وكشفوا عن الشبكة السلكية للمقاومة واقروا بعدم شرعيتها وباقالة اللواء شقير من المطار
وبذلك فان من ينفذ القرارات هو الجيش فيصطدم مع المقاومة وترتاح امريكا فى ذلك الوقت من الجيش اللبنانى ومن مقاومة حزب الله مرة واحدة
ولذلك وبذكاء شديد نزل حزب الله الى الشوارع تحذيرا من اتخاذ قرارات تؤدى الى حرب اهلية جديدة مما ادى الى تراجع الحكومة عن قراراتها بعد ان تخلت عنها امريكا وهى التى كانت تقول فى البداية نستقيل ولا نتنازل عن القرارات
الخطير فى الموضوع ان اسرائيل وامريكا والحريرى اتجهوا كلهم فى اتجاه الاحتقان الطائفى وان اللشيعة دخلوا بيروت السنية
وقناة العربية اوقفت كل برامجها وبدا انحيازها واضح جدا لدرجة ان تلفزيون الحريرى ذات نفسه لم يكن يقدر ان يظهر هذا القدر الكبير من الشحن الطائفى الذى من الممكن ان يكون هو السبيل فعلا فى حرب اهلية
وهذا الشحن ادى الى مذبحة فى مدينة حلبا قام بها انصار الحريرى من قتل جرحى وهم مستلقين فى الشارع من المعارضة

موقف الجماعة الاسلامية صراحة بالنسبة لرأيى لم يكن مشرف أبدا فقد وقفوا مع الشيخ سعد وتوعدوا بحرب اهلية اذا لم يخرج حزب الله من بيروت
أما الموقف المشرف فهو من حزب جبهة العمل الاسلامى اللبنانى الذى يتزعمه الشيخ فتحى يكن بعد انفصاله عن الجماعة الاسلامية
ايضا موقف الاستاذ المرشد محمد مهدى عاكف الذى قال ان صورة المقاومة اذا تأثرت فهى تتأثر للاحسن

فى الحوار الجارى الان فى قطر والله اعلم ماذا ستكون نتيجته
وافق الحريرى على الثلث الضامن بعد ان عطل البلاد لمدة سنة ونصف ولماذا كل تلك المشقة اذا كنت تعلم ان الاستئثار بالحكم لن يطول ولن يفيد
الشيخ سعد اتجه الى احضان امريكا على عكس والده الذى تعهد ان سلاح المقومة سواء اشارة او غيره هو السلاح الشرعى
الذى ينبغى للدولة ان تحافظ عليه طالما هناك احتلال

من استفاد بالعلاوة هو المواطن الاسرائيلى

2008-05-06T12:01:00.000-07:00

العلاوة وكما كتب انها اكبر مقلب فى تاريخ الشعب المصرى
نستطيع أيضا ان نقول انها أكبر عملية سرقة للشعب المصرى
فال30% التى اعطتهم الحكومة أخذتهم 50% ونرجع نقول تانى ياريت العلاوة ماجتش
طبعا الحكومة فى أى بلد محترم وانا مش هقول بريطانيا أو السويد أنا هقول موريتانيا الحكومة قلصت نفقاتها ومرتباتها لدعم الميزانية
وحكومة حماس طبعا قلصت كل مرتباتها علشان الحصار ورئيس الحكومة دنه ساكن فى بيته فى مخيم اللاجئين
ولكن احنا بنقارن مين الملائكة بالشياطين
وبعد رفع كل الاسعار من البنزين ال90 و92 و95 واللى هما شغالين
وال80 ماحدش عاد بيستخدمه الا قليل جدا وبتوع التاكسيات

الآن المواطن المصرى هو صاحب الغاز وليست الحكومة وليس حسنى مبارك
وسرقة الموارد الطبيعية والمخزون الاستراتيجى للوقود لمدة عشرين سنة بسعر أقل من السوق بفارق ضخم
فهى جريمة كبرى
وكمان لاسرائيل اللى بتمنع الغاز عن غزة
يافرحتى بيكى يا مصر
"احنا مش هندى الغاز للفلسطينيين علشان احنا مش فتحنها صدقة" هكذا تكلم احد قادة حزب الزفت الحكومة
امال الصدقة لاسرائيل ياولاد ال******
الواقع ان النظام يشترى بقائه من اسرائيل ويبحث عن شرعيته فى اسرائيل ولا يبحث عنها فى مصر

واصبح الغاز المدعوم من مصر يذهب الى جيب المواطن الاسرائيلى الذى دخله يساوى 10 افراد مصريين متوسطى الدخل مش فقراء وكمان أخذوا شهرين مجانا وبنوا لهم محطة تسييل ب25 مليار دولار على حساب الحكومة
طبعا اصله تعبان من الصواريخ اللى نازله عليه فى سيديروت وعسقلان
وكمان مش عارف يوفر البنزين بتاعه علشان كله رايح للدبابات والطائرات اللى بتقتل الارهاب

آخر حاجة
جهاد عودة ده واحد فى اللجنة المشئومة بتاعت السياسات
طلع يقول وبالفم المليان ان محدش ليه دعوة وان صفقة الغاز دى اللى يعارضها يعارض وجود الدولة المصرية
وان العدو الحقيقى فى المنطقة هو الارهاب وليس اسرائيل
وعندما سئل مين الارهابيين قال اللى مش عايزين سلام فى المنطقة وهما ايران وحزب الله وحماس والاخوان
صراحة تهمة نعتز بها وانتم الآن من وقفتم فى صف اليهود
لا تقولوا تخونوننا فقد خونتم انفسكم منذ زمن

د.هدهود و زمن الفن الجميل

2008-05-06T10:59:00.000-07:00

"خلاص اتفضلوا"
كلمة تحن لها الآذان طويلا عندما تكون فى درس الدكتور هدهود فبعد ساعتين ونصف أو ساعتين فقط اذا كنا محظوظين تسمع تلك الكلمة الرنانة التى تعيد اليك الحياة بعد ان فقدتها لوهلة من الزمن
الابحاث تقول ان بعد أول ساعة يفقد الفرد القدرة على التركيز والاستيعاب ولكن الدكتور يخالف ذلك الرأى ومعه دليل قاطع أن الواحد فينا بيتفرج على الفيلم مابيزهقش خالص عنده فكرة برضه
ولكن كأى شيء فى بلدنا الواحد بيتعود عليه اذا كنت استنشقت الهواء الملوث واتعودت عليه وشربت المياه الملوثة واتعودت عليها
فيعنى الحاجة الحلوة والتعليم هو اللى مش هنتعود عليه
الدكتور فعلا من زمن الفن الجميل فهو من الناس اللى بيتمتعوا بالمذاكرة فاذا وجد وقت فراغ يفتح المراجع ويقلب فيها والناس دى على حد علمى انقرضوا الا قليل

الدكتور "باسم الله ما شاء الله" لم يغب لعذر مرة واحدة وكل أجازة كانت معلنة مسبقا قبلها بأكثر من شهر ولم نذهب الى الدرس مرة واحدة ولم يكن قد حضر
الدكتور دخل علينا فى اول السنة حامى جدا وبيسأل كل واحد وفى كل حاجة ولو ماجاوبتش يبقى ياويلك ويا سواد ليلك وتهزيء محترم أمام المجموعة قاطبة واذا جيت متأخر زى مالواحد عمل قبل كده هتاخد نفس مقدار الاحتقار والتكشير ولو حبيت تستأذن من ا لحصة نفس الكلام
ولكن دفعتنا قاهرة الجبابرة جعلت الرجل يفقد الامل فى دفعتنا وأعلن أنه مش هينكد علينا تانى ومش هيسأل ولكن بعد حصتين تماما الغى المرسوم الرئاسى وقال الحكمة الشهيرة " يابخت من بكانى ولا ضحك الناس عليا............" صراحة مش فاكر المثل بس يبقى حد يكتبوا

بس دلوقتى احسن من أول السنة بكتير بالنسبة للتكشير والاحتقار
يبقى لك ان تعرف أن الدكتور عندما يشاهد الافلام القديمة غالبا
يركز على الباطنة" اللى ليها طعم تانى" كما يصفها الدكتور
ففى معظم الحصص تكون الحالة قد ظهرت فى فيلم ما
مثل فاتن حمامة التى مثلت ثلاث امراض فى القلب والاعصاب على ما اعتقد
ومحمود المليجى اللى حط السماعة فى أحد الافلام طلع بان المريضة هتموت بعد ستة أشهر
ونور الشريف فى فيلم آخر الرجال المحترمين كان اسمه حاجة هدهود
والاغانى القديمة لها الحظ الوافر ولكنى لا أستطبيع تذكر كلمة واحدة من تلك الاغانى
بقى القول ان الدكتور هو مشجع كرة من الدرجة الاولى و زملكاوى صميم
ويظهر هذا طبعا بعد أى هزيمة للاهلى حيث لا يلبس أن يسخر من لعب الاهلى فى الماتش

بعد كل ذلك فان الدكتور من الشخصيات المحترمة والمحبوبة جدا فى الدفعة
ويلقى كل التقدير من تلامذته
وما يبذله من مجهود صراحة يستحق عليه الشكر والاعجاب

تحية لجماعة الاخوان فى الاردن

2008-05-01T09:53:00.000-07:00

انتخب مجلس شورى الاخوان فى الاردن مراقبا عاما جديدا وهو همام سعيد
بعد انتخابات تحدى فيها المراقب العام السابق سالم الفلاحات
وكسب بفارق ضئيل
هيه دى الديموقراطية ولا بلاش
وسلملى على الحزب الوطنى الديموقراطىىىىىىىىىىىىىىىىىىىىىىىىىىىىىى

وعذرا على التاخير ولكن كان الواحد تعبان شوية

سلام

اضرابنا يا اضرابنا ....هتنقذنا ولا هتضربنا

2008-04-08T22:43:00.000-07:00

بالنسبة للاضراب كان فى رأيين فى الجماعة
الاول ان الاضراب فى القطر كله ثقل على الاخوان المسلمين وسيجرهم الى مواجهة أشد مع النظام الذى يعتقل اصلا أكثر من ألف اخوانى فى سجونه حتى الان غير المحاكم العسكرية المقامة والتى ظلت لاكثر من سنة فى نظر قضية ملفقة ثم ان الاضراب غير واضح المعالم وغير مخطط له بطريقة علمية صحيحة وهذا ما ذكره د.محمود عزت.
الثانى ان الاضراب ياتى فى سياق عملية سلمية للاحتجاج على الاسعار وعلى تدهور البلد وما دام القوى الاخرى دعت اليه فمشاركة الاخوان بافراد وليس كجماعة وهذا كان رأى الدكتور عصام العربيان ود.جمال حشمت

وربما ذلك يفسر بيان المرشد اللى بضراحة مافهمتش منه حاجة
فبعد ماقريته لقيت فى المنتديات موضوعين مختلفين تماما
الاخوان ينضمون الى اضراب 6 ابريل
والمشاركة اللى تحتها على طول
الاخوان لن يشاركوا فى اضراب 6 ابريل

الامور توضحت بعد ذلك وكان البيان فعلا شامل جامع للموقف
الآن فى الاضراب توضحت عدة امور
ان النظام صراحة كان فى نص هدومه فهو مش قادر يبرر القوات الامنية لدرجة ان واحد فيهم قال ان كل حاجة بتحصل فى البلد من اضرابات الاخوان بيحركوها من وراء الستارة وده كان كرم جبر

أن منظمين الاضراب مش عارفين البلد هتروح فين ولاأيه اللى هيحصل
ولو كان الاضراب نجح مية فى المية واتشال النظام
كان زمان الدولة المصرية اتهدت زى العراق بالظبط
لان القوى اللى عملته هى كفاية فى الاساس
وبصراحة محدش عارف كفاية دى فكرها ايه ليبرالى يسارى قومى عايزة ايه غير انها تخلص من حسنى مبارك

ثانيا أن منظمين الاضراب يكرهوا الاخوان أكثر من كرههم للنظام
عايز دليل؟
على قناة فضائية اعتقد انها البى بى سى
كان الدكتور عصام لسه قايل ان احنا بنشارك كافراد فى الاضراب وندعم حق الشعب فى الاضراب والتظاهر السلمى
وفجأه يأتى بعده عبد الحليم قنديل
ليقول ان الاضرابات هى درس للحزب الوطنى بان قوته الشرطية لن تنقذه من المصريين
وهى درس للاخوان ليعرفوا ان غرورهم فى قوتهم العددية أصبح وهما
وبالتالى هذا ليس موقف تجميعى ضد النظام بل هو يضع الاخوان والنظام فى سلة واحدة
والطريف فى الامر ان المقبوض عليهم فى كفاية كانو 200 واحد
فى الوقت اللى فيه 1000 من الاخوان فى السجون

الواحد ساعتها دمه اتحرق
اصل الاخوان لما بينزلوا مظاهرات فى كل مرة مابنشوفش حد من كفاية معاهم
ومحدش قال عليهم دول بتوع الحكومة او انهم مش خايفين على مصلحة الوطن

المهم ان الموقف ده بيفكرنى بموقف حصل فى فلسطين بعد انتخابات الرئاسة
خرج مصطفى البرغوثى فى المركز الثانى وكانت حماس مقاطعة الانتخابات
وقال نحن ثانى قوة سياسية فى البلاد وان حماس توهمت فى قوتها
واذا به يحصل فى انتخابات المجلس التشريعى على مقعدين أو ثلاثة

سيبنا من فلسطين خلينا دلوقتى فى مصيبتنا الكبيرة

اللى حصل فى المحلة ده مؤشر خطير جدا ولو الجماعة سابته من غير دراسة
هيجى على دماغنا المصريين كلنا
فى صحفيين اجانب قالوا ان دى هى بروفة الثورة فى مصر ويبدو ان البروفة طلعت ناجحة
اذا كانت فعلا دى بروفة فان مصر هتقع ومحدش هيسمى عليها
النظام الغبى كانت شرعيته الوحيدة لقمة العيش بعد ان باع كرامتنا للاحتلال وخرب البلد على الاخر
فماذا الاخوان فاعلون التغيير قادم قادم
اعتقادى فى حال قيام ثورة مثلا من الجياع على يد كفاية والناس كلها اتفقت معاها
سيكون اول قرارات الثورة الحكيمة هى التخلص من الاخوان
وبذلك سيظل الاخوان فى دوامة القهر والاستبداد الى ان تأخذ بزمام المبادرة
وتقوم هى بقيادة الثورة حتى لو كانت من الجياع ولكن القيادة الحكيمة تستطيع ان تعرف مصلحة الوطن وتقوم بترشيدها حتى لا تخرب فى البلد
ليس هناك أقدر من الاخوان المسلمين على قيادة الوطن وطبعا بمشاركة كل القوى الوطنية والسياسية
حتى لو ليس بشخصهم فبشخص قريب منهم
فبالاسس الحزبية الاخوان هم أكبر حزب فى مصر لديه خبرات ويعمل وفق عملية مؤسساتية لا تقل عن ماكينة الحزب الديموقراطى أو الجمهورى فى أمريكا وليس كالحزب الوطنى دكانة مصالح واذا انفضت المصالح انفض الدكان
ولذلك قالت مراسلة السى ان ان
ان المصريين اجمعهم ينتظرون الفرصة لقيام دولتهم التى يقودها الاخوان لان الاخوان هم أكثر من يثق فيهم الشعب المصرى
ولذلك تأتى حملات التشويه من النظام ومن بعض العلمانيين وليس كلهم بالطبع

المشكلة ان الاخوان تظاهروا فى تسع محافظات بعدد يصل الى مئة الف ولم يذكر أحد تلك الوقفات
لان بصراحة الناس زهقت من حاجة اسمها انتخابات
واصبح هناك عدم ثقة بين المواطن والدولة
وان حاول الاخوان جعل الوقفة احتجاجا على الغلاء بجانب المحليات
ولكن الشارع لم يشارك لان انت بتتظاهر علشان المحليات وهى مشكلتك مش مشكلة رجل الشارع البسيط
اللى ممكن يتظاهر علشان رغيف العيش زى ما حصل فى المحلة

المفروض الاخوان يقربوا اكثر للشارع ومثلا نشوف مظاهرات عن زيادة الاسعار بس
مظاهرة تانية عن رغيف العيش فالتظاهر علشان حاجة الاخوان بس مثلا محاكمات عسكرية الاعتقالات المحليات مش هتجيب التعاطف الشعبى
بالنسبة للمحليات فالنظام يبعد الاخوان عن الناس بأى طريقة
فمرت فى هذه السنة وحدها ثلاثة انتخابات ليس لها علاقة بالحكم نهائيا
أولها اتحادات الطلبة ثانيها انتخابات العمال ثالثها المحليات
المهم أنه استبعد الشعب المصرى كله حتى من الحزب الوطنى نفسه

فمجلس الشعب لا يؤثر فى حياة الناس وبصراحة ما يحصل فيه حتى لا يعرفه الناس بعدما منعوا الكاميرات من المجلس
علشان كده ماكنتش فارقه معاه

بصراحة أنا شايف ان الناس بدأت تفوق ومستعدة للتحرك ومستنية قيادة تحركها لان الكل مش راضى عن حال البلد
ولو الاخوان ضيعوا الفرصة النظام هينيم الناس تانى بأى طريقة سواء بالقمع أو بتحسين رواتبهم ودخلهم

انتخابات المحليات 1%:آخر ساعة:الزقازيق:مقاطعة-رشاوي

اوبريت ارفعوا الحصار عن غزة

2008-04-05T19:04:00.000-07:00

أغنية إرفعوا الحصار

أوبريت جديد رائع
لفلسطين من إخراج باسم الباجوري كلمات : حامد الباجوري , ألحان : محمود الشابوري , توزيع : لطيف الأشقر ,
غناء
منى عبد الغني
, محمد الحلو
, سومة ,
عبد الفتاح عوينات
, آدم الحلو

أغنية رائعة

التحميل

فيديو الكليب تقريبا 25 ميجا
اضغط على الرابط هنا

مغامرات فى نقابة الصحفيين

2008-03-31T17:18:00.000-07:00

كانت مغامرة من أول لحظة فكرت انى رايح نقابة الصحفيين اللى بتطلع كتير فى التلفزيون والواحد مش بيعرف يشوفها من كتر الامن المركزى اللى محوطها من كل ناحية والمتظاهرين اللى قاعدين على سلمها جايين من كل حتة يطالبوا بحقوقهم اللى ضاعت
اول حاجة الواحد ماكنش عارف ايه النظام هناك فعمل كل الاحتياطات اللازمة الواحد حلق دقنه ولبس روش وقرا ورده فى البيت علشان مش هاعرف آخد معايا المصحف وسبت موبايلى الغالى فى البيت وخدت موبايل اخويا الصغير"من تداعيات التجربة السابقة انهم اخدوا الموبايل الجديد ورجعوا تانى بس الواحد ما يضمنش" ودعيت ربنا يسترها وتجهزت نفسيا للقضاء عطلة فى أى منتجع من منتجعات الدولة
وفجأه صاحبى اللى المفروض جاى معايا بيتصل يعتذر قلت شكلها باين من أولها
نزلت ورايح أركب علشان السفر فاذا اللى اعتذروا كانوا متفقين يروحوا سوا بعربية وانا اتقلشت من الموضوع "الكلام الك يا جارة"
وصلت مصر مافيش حد خاااالص ولا أمن ولا حتى بنى أدميين مشيت شوية واذا الواحد لقى نفسه على سلالم نقابة الصحفيين
الصرح عظيم وله رهبة ومكانه خاصة اذا رأيته ودخلته لاول مرة زى محسوبك
دخلت من الباب وكأنى عديت باب سحرى لمملكة نارنيا
جوه غير بره بلد غير البلد
بوسترات فى كل حته" أفرجوا عن خالد" "أريد الرجوع الى أولادى"عبد الجليل الشرنوبى
كيف تسقط نظاما دكتاتوريا - معا لنتخلص من الزمرة الفاسدة
مطالب الصحفيين استقالة رئيس الجمهورية

أنا صراحة ماكنتش مصدق نفسى
فعلا نقابة الصحفيين هى واحة الحرية فى صحراء ذلك الوطن الغابر

اول ما وصلت ماكانش فيه حد جه ولا حتى بتوع القاهرة
وكان بقى منتدى القاهرة الرابع والمؤتمر لمناهضة الصهويونية العالمية
كان المؤتمر سوق أفكار
أول ناس شفتهم ولأول مرة فى حياتى "فعلا مش بهزر" الاشتراكيين
كان الواحد بيسمع الاسم وفاكر ان الناس دى خلصت بعد1990
المهم
شوفت ناس من حزب الكرامة وشوفت ناس من القوميين العرب
وناس من حزب الله متحدث اعلامى باسم الحزب
ومن فلسطين انتظروا المفاجأه!!!!!!!!!الجبهه الشعبية
6مقاعد فى البرلمان
فين حماس فين فتح
طب حماس والحكومة الرشيدة منعتها بس كان موجود أخو اسامة حمدان وهو حقوقى عايش فى اوروبا
أمال فتح فين وللا خلاص بقت صديق للصهيونية
مش موضوعنا
كان ما يميز المؤتمر الوجود الاجنبى
كان هناك وفد من اسكتلنده ودى كده فريح بريطانيا حبتين جايين من أخر الدنيا استنا وشوف مين تانى
وفد من كندا ضد الحرب الامريكية وداع لخروج القوات الكندية من افغانستان
مستغرب ايه رأيك بقى وفد من كوريا الجنوبية وجايبين معاهم صور مظاهرات اتظاهروها قدام السفارة المصرية لحرية المصريين ضد حسنى مبارك

طبعا بطل المؤتمر وبلا منازع هم الاخوان المسلمون وهم طلبة واساتذة جامعة ودكاترة ومهندسين كل حاجة يعنى

الدنيا زحمة جدا وكل واحد بيرتب بضاعته

بدأت الندوات وكم من المعلومات الغزيرة اللى بيدخل مخك كأنك بتعمل داونلود عالنت من كمبيوتر رئيس الوزراء شخصيا
صاحبى وحبيبى خد جايزة محترمة فى مسابقة الشعر أمام الشيخ أمين الديب والشاعر جودة
ألف مبروك طبعا ومستنيين العزومة

حضرنا فى نهاية اليوم ندوة للدكتور عصام العريان والكلام فيها كان ميه ميه عن كيفية اسقاط الديكتاتوريات
وكان فى الحلقة النقاشية د.جورج اسحق قيادى فى كفاية وعبد الغفار شكر قيادى فى التجمع
اترك التفاصيل الى احد اخوانى اللى سجل الندوة
المهم بعد ماخلصت الدكتور عصام لقى نفسه متحوط بجيش من شباب الاخوان
اللى ياخد منه اوتوجراف واللى يتصور معاه وهو يقولهم بتتصوروا ليه هتروحوا فى داهية
وناس اتصورت مع جورج اسحاق
المهم

تانى يوم
د.محمد حبيب يدير ندوة عن الصراع العربى الاسرائيلى
برضه خلصت الندوة واجتمع بقه مع الشباب وقعد يكلمهنا عن المحليات و وجهات النظر فيها واجاب عن اسئلة معظم الشباب واتصور معاهم
شفت هناك طبعا عبد الحليم قنديل حاضر فى ندوتين الاولى البلطجة فى الجامعات والثانية مستقبل حرية الصحافة فى مصر
الشخصية اللى كان نفسى اقابلها من زمان وهو الدكتور عزام التميمي صاحب قناة الحوار "وانا اللى مصور له الصورة اللى فى المقال"
صراحة القناة التى اعشقها وهى فى ترتيب القنوات بعد الاقصى مباشرة
الراجل ده -لو حد مشعارفه- دماغ عالية مووووووت وفكر اسلامى راقى جدا
حتى لما استضافوه على البي بي سى الانجليزى كان بيحرج المذيع بكلامه
المهم قابته واتكلمت معاه شوية وصورتين على الماشى وحضرت ندوته عن الاسلاموفوبيا فى الغرب
وكنت قاعد تقريبا مفيش غير 4 أو5 مصريين والباقى كله أجانب

نيجى للتقيل
مؤتمر الطلاب
كان فيه ممثلين عن كل الطلاب
الاخوان
الاشتراكيين
الغد
العمل
الكرامة
الجبهة الديموقراطية
وكلمات كثير بس الواحد زهق وقام مشى
وكلنا كوشرى من عند راجل اسمه أبو طارق أو مول الكشرى اربعة طوابق كشرى
أصغر طبق بخمسة جنيه
أكلنا ومشينا علشان كنا حاجزين عربية من الصحبح
بس الحلو ما يكملش
الراجل قلنا هروح أعمل مشوار صغير فى التجمع الخامس
واحنا فى وسط الطريق والدنيا صحراء من حولنا وفى الليل الدامس
لقيناه بيقول انزلوا هنا
المهم طلع فى سوء تفاهم
وانا باعتذر لصاحب العربية عن الاحراج
والواحد نزل ساعتها من العربية مهيس على الآخر وعتريس يقولكوا هو اللى كان شاهد
وركبنا اتوبيس وروحنا فى سلام وأمان
وقبل مانروح شربنا عصير قصب كمان
وكل سنة وانتوا طيبين
وعقبال المؤتمر الجاى

كل العالم عايز يتغير الا انت يا مصر

2008-03-30T08:21:00.000-07:00

دهشت جدا لما شفت باراك أوباما وشعبيته تزداد حبة حبة الى ان أصبح رمزا من رموز أميركا فى هذا الوقت
وذلك بالرغم من لونه الاسود ووالده المسلم
الرجل لعب اللعبة كويس واتكلم عن التغيير فى أكبر بلد فى العالم وعلى عكس التوقعات استجاب الشعب الامريكى لنداءات التغيير وصوت البيض قبل السود فى بعض الولايات لباراك أوباما والنساء قبل الرجال

فى ماليزيا صوتت نسبة كبيرة من الشعب الماليزى للمعارضة وخسر الحزب الحاكم الاغلبية المطلقة
فى فرنسا والمانيا تغيرت الاحزاب الحاكمة ولو الى الاكثر تطرفا

الشاهد فى الامر أن الشعوب والامم فى كل العالم لا تطيق أن يحكمها نفس التيار أو الفكر طول الحياة الكل يتغير
ولو كان الفكر مثالى لتلك الشعوب لغيرت الافراد

طبعا القانون ده لا يسرى فى مصرنا الحبيبة
وبتوع الصحافة القومية بيطلعوا علينا كل يوم
ان الناس فى مصر تكره حاجة اسمها التغيير
وانها متفائلة وحابة الحياة تحت ظلال السيد الرئيس
وكمان كتبوا لوحات باسمنا وان 70 مليون مصرى يؤيدوك يا ريس
مع ان المفروض 100 مليون احتسابا للاموات اللى لسة بتصوت من أيام عبد الناصر

التغيير فى مصر والعالم العربى قادم قادم لا حالة
واذا ماكانش بمزاجهم هيبقى غصب عنهم
وكلنا شوفنا لما صدام امعن فى اذلال شعبه وطلع عينهم
جابوه على المشنقة اللى كانوا اصحبه وبيدعموه الامريكان

المطلوب الآن من المعارضة المصرية بكل طيفها
هو تغيير النظام واقامة دستور توافقى بين القوى السياسية والتصويت عليه

هذا هو التغيير المنشود
الذى سيشعر به المواطن المصرى

والا فالطاولة ستنقلب على الجميع
والشعب الجائع لن يستطيع أن يوقفه أحد
ولا حتى الاخوان المسلمين

موقع فلسطين الآن يكشف كافة تفاصيل تعذيب قيادات القسام فى مصر

2008-03-21T17:31:00.000-07:00

غزة- فلسطين الآن- خاص- شهادات واعترافات متطابقة ، تحقيقات أمنية تتعلق بالمقاومة الفلسطينية وقياداتها ، أساليب تعذيب وحشية ، تعرية كاملة ، صعق بالكهرباء ، شبح للمحتجزين هناك ، محاولة انتزاع معلومات أمنية خطيرة تتعلق بالجندي الإسرائيلي الأسير لدى المقاومة ، والتحقيق حول أماكن قيادت عسكرية من كتائب القسام كالقائد العام محمد الضيف والقائد أحمد الجعبري ، محققون وضباط مصريون من جهاز أمن الدولة يفتخرون ويشبهون أنفسهم بالمحققين الصهاينة هناك ، هي أبرز العناوين التي كانت واضحة من خلال الشهادات الموثقة والمسجلة لدى شبكة فلسطين الآن الإخبارية عبر عشرات الحالات ممن أفرج عنهم من المحتجزين من أبناء حركة حماس في السجون المصرية .

لمشاهدة الملف كاملا هنا

طبعا الموضوع بلا أى تعليق

اقرأ معى المسابقة الكبرى فى الجامعة

2008-03-21T16:02:00.000-07:00

طبعا المسابقة صعبة جدا
امن واستقرار وللا ديموقراطية وحريةوللا سياسة داخلية وياحلاوة السياسة الخارجية ويا جمال التنمية الاقتصادية اللى عايشنها
أمريكا بتحسدنا على رغيف العيش
اترك المجال لمن يريد الجائزة أن يكتب على راحته
و انا اللى هدى الجايزة المرة دى مش الجامعة بس مش فلوس طبعا طبعا
عمار يا جامعات مصر

ملحوظة:
الميعاد الرسمى للمسابقة خلص فماتحاولش تكتب وتنافق

التط بيع

2008-03-21T15:28:00.000-07:00

طبعا الموضوع مش جديد وادينا مدفونين فيه بقالنا أكتر من 25 سنة

الجديد فى الحكاية ان التطبيع لم يعد فى الاراء والافكار فمصر الان فى الحضيض
بيعنا الاراضى وبيعنا المصانع وبيعنا الشركات
والأهم من ده كله بيعنا ضميرنا
وبيعنا اخواتنا
وقبضنا على قفانا كفوف سخنة من امريكا واسرائيل
واللى شغالين معاهم
استنى كده !!! أيه ياعم ده برضه مش جديد
آه فكرتنى الجديد هو خط العار
قصدى خط الغاز معلش "خطأ مطبعى" اللى بيودى غاز المصريين لليهود
انا مش عارف الحكاية دى متكتم عليها من كله
وهى مصبية كبيرة كده الطائرات والدبابات فى اسرائيل هتحول غاز وهتمشى بالطاقة النظيفة
وهنقتل الفلسطينيين بأيدينا الاتنين فين سيادة المفتى وشيخ الازهر
وللا الكلام يجيى على الصواريخ بس (تصريح لشيخ الأزهر قال فيه أن الصواريخ الفلسطينية عبثية وتضر أكثر مما تفيد)والله!!! ياشيخنا
وفى وسط محرقة غزة الاخيرة صدرت تقارير عن توقف مصر عن استكمال النمشروع وضخ الغاز لاسرائيل
هل تصدق؟؟؟؟
أنا ما صدقتش
وفعلا كلامى كان مظبوط
لقد تم التوقف عن العمل فى المشروع لسبب واحد وهو أن هناك خلل كبير حدث كان وللأسف سي}دى الى حريق خطير يقتل فيه الصهاينة
وحرصا من الحكومة المصرية على حياتهم الكريمة قرروا وقف المشروع لحين اصلاح الخلل
والله عمار يا حكومة
بس لو تخافى على حياتنا كده
من الآخر التطبيع يعنى هتبيع
كل حاجة حتى الغاز اللى كنا فرحانيين بيه أديه اتباع وابقى قابلنى

للعمالة وجوه كثيرة

2008-03-19T10:19:00.000-07:00

يستطيع المرء أن يوصف العمالة انها العمل لمصلحة العدو فيما يخالف مصلحة الوطن
وفى عالمنا العربى وجوه كثير ة للعمالة من أول العميل السري الذى يتقاضى المال حتى يأتى ببعض معلومات عسكرية للعدو
حتى تصل الى أوجه الشراكة مع العدو لتصفية الوطن باكمله للقضاء على روح الامل والتغيير والنهضة فى مجتمعاتنا حتى يصبح وجود الطرفين هو ضرورة قصوى للطرفين فلا ذاك يستطيع الاستغناء عن الداعم الرئيسى له ولا العدو سيجد أفضل منه يدير البلاد
وكما قال الدكتور تميم البرغوثى فان الانظمة تحتفظ بقدر ضئيل من الشرعية يبقى الناس تحت امرتها لانها تعمل فى بيئة دولية تقر عليها افعالها التى لا تأتى أبدا من قرارات شعبية
وبناء على ذلك فهى لا تستطيع ان تواجه الشعوب وتصرح بعملها للمحتل ولا تستطيع أن تواجه المحتل وتعمل لصالح نهضة الوطن
وبذلك فتلك الانظمة تسمى الوسيط بين الحاكم الفعلى والشعوب واذا لم تحتفظ تلك الانظمة بقدر ضئيل من الشرعية فما حاجة الدول الكبرى لجعل وسيط فاذا كانت الثورة ستندلع ولو قاموا بتأخيرها فهم خير من يحكم البلاد مباشرة
من هنا نستطيع فعلا ان نفسر تلك المشاهد المتضاربة حولنا فى المنطقة فتلك الدولة لا تعترف باسرائيل وعلى الرغم من ذلك فان بترولها يحرك ماكينة الحرب الاسرائيلية تجاه اخوتنا وتلك تقول ان العلاقات بيننا والصهاينة هى فى صالح الوطن وهى فى صالح الامة العربية نرى من تلك الانظمة ما يشيب لها الوليد
مثال حق على ذكره فى ذلك الموضوع وهو تعامل الامن المصرى مع الفلسطينيين المحتجزين فى مصر منذ فترة
تبين بعد الافراج عن قيادات القسام وعندما تبين أن مجموعة من قيادة القسام فى رفح تشترى البضائع قبض عليهم وتروى قصصا لمن كان محتجزا معهم أن الأمن المصرى يسألهم عن مكان الجدنى الاسرائيلى شاليط ويسألهم عن تواجد أبو العبد ساعات القصف وما هى تحركاته وتم تعذيبهم لدرجة كبيرة وفقا لموقع فلسطين الآن

أرجو أن تكون تلك الاقوال غير صحيحة وأن هذا لم يحدث اطلاقا

السيادة الوطنية مع شوية تقلية وطبق ملوخية

2008-02-18T13:16:00.000-08:00

طبعا من العنوان باين أننا واحد ابن ........ بيكره مصر واللى خلفوها بس ده مش صحيح بالمرة وانت هاتعرف معايا ليه

أولا: قرفونا وطلعوا عنينا ورجعنا على التلفزيون من كتر القرف اللى شفناه اليومين اللى فاتوا
السيادة الوطنية - السيادة الوطية - السيادة الوطنية - السيادة الوطنية
بالظبط بغبغان
ده مش علشان حكاية تكرار الكلام لأه ده علشان اللى بيقول مش فاهم الكلام
وطلع اللواءات يحدوثنا على التلفاز ولقد انتهكت السيادة المصرية والامن القومى المصرى
قلنا يالهوى الفلسطينيين دخلوا بدبابات كانوا مخبيينها علشان المصريين
وفى الاخر يقول: لقد صعد طفل فلسطينى يحمل علم فلسطين ووضعه على مؤسسة ولا برج ولا أى حاجة
طبعا دى ماتستاهلش الواد يرد عليها بس الواحد لما شاف الفلسطينيين يوم ما مصر كسبت كاس أفريفيا وهما بيبوسوا العلم المصرى وهم على الشاشة االمفروض نسكت
برضه واحد طلع يقول ضربوا جنودنا بالطوب المتوحشين واللى مانعرفوش ان فى فلسطينى مات بالرصاص المصرى أولا وهو اللى جعل الاشتباكات بالطوب تزداد وبذلك يكون الرجل ذو الاربعين ربيعا أول مواطن فلسطينى يقتله الجيش المصرى أو الشرطة
أما الشرطة المصرية والذين قتلهم الاحتلال فهى أخطاء لا تؤثر سبحان الله فى المنطق
على العموم فى قذيفة اسرائيلية وقعت فى سيناء عن طريق الخطأ برضه
ياترى فين بتوع السيادة يطلعوا يورونا شوية
ثانيا: خطاب المن والأذى
أحنا ضحينا علشانكوا أحنا عملنا علشانكوا احنا متنا علشانكوا كان زمنا دلوقتى اليابان
أولا المصايب كلها ماجتش على دماغنا الا بعد اتفاقية النحس كامب ديفيد
الدليل اسأل ستى وستك العيشة أيام الحرب قبل السلام ميسرة أحسن وللا دلوقتى يقولك ولا ليلة من أيام زمان يابنى
ثانيا : مصر لم تفعل شيئا لفلسطين وتعالى نشوف
48 الجيش كان رايح منظرة وكسوف ومش ان رايح يحارب واللى حاربوا من الاخوان رجعوهم وحبسوهم
56 مصر اللى اتهاجمت من تلات دول علشان قناة السويس ايه اللى دخل فلسطين انا مش عارف اسرائيل هى اللى دخلت وقتلت ومشيت
67اسرائيل هجمت علينا علشان تاخد سينا واخدتها واحنا اتهزمنا وقعدنا فين فلسطين
73 مصر حارب لنفسها ولم تحارب من اجل الفلسطينيين وسابتهم يدبحوا فى فلسطين وهى بتتفرج

اما قول وزير الخارجية هنكسر رجل اللى يعدى الحدود
فهو صعب عليا من كم الدعاوى اللى دعيتهالو الناس فى فلسطين ربنا معاه
ووزير التعليم فى الحكومة الفلسطينية قال لو مش انقذتونا هنخش تانى واكسروا رجلنا أحسن بدل ما نموت

السيادة الوطنية لمصر لا تتحقق الا بأن تكون الاخت الكبرى واللاعب الاكبر فى المنطقة وكلمتها يخافها الكل
ولا تخاف هى من الدول سواء أمريكا أو ايرن أو غيرهم
طبعا لا ننسى تحية للاعب الكبير أبو تريكة

رسالة شكر

2007-12-27T14:48:00.000-08:00

من لم يشكر الناس لم يشكر الله
وبعد محنة العملية الحمد لله وجدت الدعم والدعاء من الجميع والحمد لله فجزاهم الله خيرا كثيرا
وأخص هنا بالطبع مدونة خبيب والاخوة الكتاب فيها خبيب ود.نصيف
الذين لم يقصروا فى شيء وأدوا زيادة عن الواجب بآلاف المرات
ولا انسى بالطبع جميع المدونين الذين دعوا لنا آثناء العملية
وكل أبناء الدفعة فى الكلية على مجهودهم
ولعائلة الشبراوى شكر خاص

واعتذر عن عدم مقدرة اللكتابة الى هذا الوقت

طلعنا على ال سى ان ان يا رجالة

2007-11-19T15:07:00.001-08:00

على السى ان ان مباشرة

جاء تقرير كريستينا ليقول
أن النظام البوليسى المصرى جعل الناس تفقد الامل فى أى اصلاح
أن الاخوان هيئة تؤمن بالديموقراطية تسعى لكسب ثقة الشعب فى انتخابات حرة ونزيهة
أن اى انتخابات فى البلد سيفوز بها الاخوان بدون منافس

برنامج 6 دقائق رائع جدا جدا جدا واربع دقائق الباقى مش تستناهم بيتكلموا على حاجة تانية خالص

لمن يجيد الانجليزية لعدم توفر ترجمة

ماذا تعرف عن عملية تغيير الصمام الاورطة؟

2007-11-19T13:34:00.000-08:00

اذا كنت لا تعرف شيئا وهذا غالبا
فافتح الفيديو المرفق

وشوف أخوك هيتعمل فيه أيه كمان أربعة أيام

وسلامى للجميع وماتنسوش الدعاء

أوجد الفروق المليون

2007-11-18T10:50:00.001-08:00

-------------------------------------------------------------------------------------------------------

المدونون الاخوان همزة وصل الاخوان بالعالم

2007-11-18T09:19:00.000-08:00

البعض يظن أن العنوان كبير وهمزة وصل ووقطع ودخلنا فى نحو وللا أيه
الموضوع أكبر من ذلك بكثير لأن المسألة مش شوية شباب بيكتب على مدونتوا أى كلام وخلاص
ده الاثر اللى ما يعرفوش حد كبير جدا
أولا الشعب المصرى كله أو أغلبه على الاصح بيأخذ المعلومات عن الاخوان من التلفزيون طول عمره ماعدا الايام الاخيرة اللى افتتحت فيها الفضائيات وبعض الصحف المستقلة وبدأ الانترنت ينتشر فى مصر
المشكلة الاكبر ان الشباب فى سن الجامعة لا يعرف عن الجماعة الا أنها بتتكلم عن الدين والسياسة وبس
ما يعرفوش أى جانب من جوانب الاخوان
وبدخول الشباب الاخوانى الى عالم التدوين بدأ الشباب فى مصر مجموعة المثقفين الفاهمين يستوعبون الفكرة الاسلامية وأنها مشروع نهضة وليس كتمة على نفس أحد وحتى لو مش وافق على فكرتك فهو يحترمها ويحترم حقك فى التعبير عن نفسك وفكرتك
وهذا ما لم يوفره الاعلام الاخوانى منذ تأسيسه وحتى الان وهو اظهار الجانب الانسانى من شباب ورجالات الجماعة وأنهم بشر وليسوا من كوكب آخر

نحن معكم يا أهل غزة

2007-11-15T13:41:00.000-08:00

لا لحصار أهلنا فى غزة

سيادة المفتى لن ننساها لك

2007-11-13T03:40:00.000-08:00

ربما تجاهل تلك الواقعة الكثير من المراقبين وخاصة الصحف والمجلات وخاصة المصرى اليوم التى تجعل من الحبة قبة

المهم فى حديث شامل تحدث المقتى مع عمرو أديب بكلام لا يقوله واحد فى 5 ابتدائى

الكلام كان عمرو أديب بيسأله ليه مش يتم انتخاب شيخ الازهر فى مصر والمفتى من بين العلماء المصريون حتى لا تتحكم الدولة فى كلام الشيوخ وتكون بمثابة ضاغط عليهم

رد فضيلة الشيخ طبعا أنه لا توجد ضغوطات أبدا "ما حنا عارفين أبدا" ثم قال كلاما غريبا جدا قال ياسيدى

أيام زمان فى الخلافة العباسية والاموية كانوا بينتخبوا الشيوخ الكبار كابن حنبل والشافعى وابو حنيفة والمالكى

ولما كانت الناس بتختارهم كان السلطان لما يقولوا حاجة مش على مزاجه يحطهم فى السجون ويعذبهم لقولهم الحق وليس

أكثر من دليل على أحمد بن حنبل وما حدث له فقال ولذلك يجب أن يعين رئيس الجمهورية شيخ الازهر علشان مانتبهدلش ويدخلونا السجون

هؤلاء هم علمائك يا مصر المحروس فكيف تتقدمين وهؤلاء من يقود الناس فى الازهر لن يتقدم الازهر الا برجال

مثل الشافعى ومالك وأبو حنيفة يخافون على الناس ولا يخافون على انفسهم من السجن والتعذيب

وسببحان الله

وأخيرا عادت الديموقراطية الى أرض فلسطين

2007-11-07T07:51:00.000-08:00

بعد غياب يزيد عن الخمسة أشهر اجتمع ولأول مرة المجلس التشريعى الفلسطينى كامل النصاب بعد أن تدخلت قوى الاحتلال من قبل واعتقلت النواب حتى تجعل لفتح أغلبية فى المجلس وهى ما صدقت وامتنعت عن حضور أى اجتماع للمجلس الا فى دورة جديدة تأخذ فتح التى تمثل أقل من 30% رئاسة المجلس رغما عن انف المواطن الفلسطينى الذى اختار حماس ووافق على تسلمها لكل اموره الداخلية والخارجية
انعقاد المجلس فى هذه الايام يمثل خطوة هامة جدا لكل الشعب الفلسطينى وليس لحماس أو فتح فالحكومة الجديدة التى عينها ابو مازن وسرقت مايقرب عن 200مليون دولار واستدانت بأكثر من 75 مليون دولار ولم تأخذ موافقة المجلس التشريعى ستسأل وتحاكم أمام المجلس التشريعي ومع أنهم لا يرضون بمثل تلك الخطوة فانهم فى طريقهم لالغاء الديموقراطية لان الديموقراطية هى التى تاتى بهم فقط ولقد عرفنا الآن فقط من اذا جاء دور خروجه من الوزارات رفض وانقلب وعرفنا من فتح من هو الذى يطلع على سلم اللديموقراطية واذا اصبح اقلية لا يعترف بالديموقراطية
هكذا هى كل انظمتنا العربية وللاسف فان محمود عباس هو ديكتاتور صغير لم يحصل الا على عدد اصوات صغير من الفلسطينيين ولم تكن تنافسه حماس أما عندما دخلت المنافسة حماس خرج من الصورة تماما ولفظه الشعب الفلسطينى فى الضفة أكثر من غزة وفى القدس أكثر من الضفة
وسنرى اعلام الكتاتوريين فى العالم العربى وفلسطين يندد بعقد جلسة مجلس شعب منتخب برلمانيا والله عيب عليكم
والله عيب

فيلم كارتون انتاج تلفزيون حماس

2007-11-03T17:49:00.000-07:00

اتفرج وادعيلى واعلاف ايه اللى حصل فى غزة بالظبط

صور ظريفة يعنى

2007-11-03T17:18:00.000-07:00

الجنايني بيجز الشعر

أفاه فى راسه وراسه فى أفاه

أحلى ماوس واوعى يعضك

بلاش الكلمة دى علشان مش يضربوك

ألف مبروك يا جماعة هنبنى المفاعل النووي

2007-11-03T16:52:00.001-07:00

فى المرة الاولى التى اعلن فيها جمال عن المفاعل النووى وكان ينتظر من الشعب المصرى أنه يشيله على كتافه ويلف بيه فى الحارة بطلنا أهوه ولكن نأبه طلع على شونة والناس بصت فى التلفزيون وقالت ال"*****"أهوه
المهم لم يكن ذلك من قلة الخبرة وعدم قبول المصريين له وانما فقد سارع كل أعداء الشعب المصري بدعم البرنامج
أولا امريكا قالت انها مستعدة بالمساعدة فى بناء المفاعل النووى مع مصر والاصح لمصر
ثانيا ولم يكن متوقع اسرائيل اولمرت ظهر مرة واحدة وقال انه يدعم البرنامج النووى المصرى وهنا اطربئت على دماغه ونسى الموضوع
وقام السيد الرئيس بالاعلان مرة أخرى عن البرنامج النووى السلمى
قال يعنى معاهم فلوس يعملوا محطة كهرباء ولا مجارى علشان يعمل محطة نووية
الحكاية دى بتفكرنى بمستشفى أعتقد انها كانت فى الشرقية اسمها الاحرار
افتتحها السيد وزير الصحة وظلت مغلقة وبعدين افتتحها السيد الرئيس ولبرضه ماشتغلتش وافتتحها بعد كده نظيف وبرضه لسه ماشتغلتش الله أعلم المستشفى دى فيها ايه ؟مش ممكن تكون أصعب من المفاعل النووى؟
وللا أيه؟؟؟؟

للمرة الالف على التوالى وعلى التوازى والله ماعدتش تفرق

2007-11-03T16:40:00.000-07:00

للمرة الالف على التوالى وعلى التوازى والله ماعدتش تفرق كل مرة يقولوا نفس الكلام وتغيير فى القيادات العليا والسيد الرئيس مش داخل انتخابات الرئاسة"الحزب طبعا" وللا عايزين البلد تخرب ولكن وقبل ان اصل الى الدنيا ويتم انتخاب الرئيس رئيس لمصر وللحزب والاثنين بالاجماع سبحان الله لم أجد شخصية هكذا حتى الانبياء كانت نسبة تأييدهم لا تصل حتى السبعين بالمائة ولكن حاشا وكلا فالرخاء والازدهار الذى نعيشه الآن فى حبيبتنا مصر والمرتب اللى مش عارف أوديه فين ده المرتب من الشغل اللى انا باشتغله ولقيته بكل سهولة أول ماخلصت دراسة
السيد الرئيس منذ تم تعيينه أقصد انتخابه وهو يقوم بنفس الخطاب مرات ومرات ومرات ومرات انت لو فاضى انا مش ورايا حاجة
المهم كلنا فاكرين لما التلفزيون بيقول انتهى عصر الحروب وفرغنا للتنمية الداخلية ومن ساعتها ماشفناش حاجة والفلوس اللى كانت هتتصرف على أى حرب اتوفرت فى جيوب أمينة فى أوروبا أو حتى فى مصر مش فارقة
انا الى الان اتعجب من الذين يحكمهم نظام واحد حتى بنفس رموزه منذ ما سيقارب على 30عاما
ومع كل تلك البهدلة والناس ساكتة ربنا يكون فى عونهم بيتعبوا بجد

عدنا

2007-10-25T00:03:00.000-07:00

عدنا مرة اخرى بعد فاصل قهرى وقسرى مما يسمونه الامتحانات فى كلية الامتحانات وربنا يستر

علاقة تركيا وأمريكا

2007-10-25T00:00:00.000-07:00

منذ تأسيس الدولة التركية الحديثة على يد مصطفى كمال أتاتورك وسقوط الخلافة الاسلامية والعلاقة التركية الامريكية هى علاقة استراتيجية لا يتعكر صفوها أبدا فالنظام العلمانى التركى وعلى رأسه الجيش وقيادته لم يكن يوما يفكر بل يحلم بتعريض تلك العلاقة الخاصة الى أى مخاطر وبذلك فكانت تركيا من أوائل الدول التى اعترفت باسرائيل ومن أكثر الدول علاقة مع الكيان الصهيونى وكانت القيادات التركية تعتبر ان اسرائيل وتركيا هما منارتان فى ظل منطقة عتمة لا يصل اليها النور ذلك كله لم يكن فقط حبا فى امريكا بل هى المساند الاكبر للجيش التركى عسكريا وهى من دعمته دائما فى انقلاباته على الحكومات الاسلامية المنتخبة ديموقراطيا النظام التركي لم يستمد قوته آنذاك الا بهامش الحرية الذى قدمه للجميع والكل كان يشاهد اربكان يؤسس حزب ويفوز ثم يلغى الحزب فيؤسس آخر وهكذا دواليك على عكس دول أخرى منعت كل شيء من الحرية فسلبت ما كان قد تبقى لها من قوة
وفى التسعينيات بدأ النظام يشيخ ويتململ وكان قد انهى صلاحيته فى انتخابات 2002 حيث حصل حزب العدالة والتنمية الاسلامى على الدعم الشعبى الجارف وتوصل الى معادلات تبقى النظام السياسى على حالته وتدعم كل من جهود الانظمام للاتحاد الاوروبى والعلاقات مع الولايات المتحدة الامريكية وسارت الامور على حال جيد حتى عزمت الولايات المتحدة الامريكية النية على احتلال العراق وكانت دائما مطمئنة الى الدعم الذى سيقدمه الحليف الاكبر المجاور للعراق فى تلك الحرب ولكن الاجابة كانت قاسية قالت الحكومة ان مجلس النواب هو من سيقرر وبالتالى اخرجت الحكومة نفسها من الملعب وكانت النتيجة معروفة مسبقا لا دخول للعراق من الحدود التركية هذا الموقف احدث صدمة للبيت الابيض ولكن ليس بيده حيلة فقد كان فى ذلك الوقت يغنى للديموقراطية ويرقص فلن يجرؤ على الاعتراض على قرار البرلمان كانت تلك أول عقبة فى العلاقات التركية الامريكية حيث أصبحت حكومة الشعب تعمل لما يختاره الشعب دون التضحية بالمصالح الخاصة لتركيا لحساب الولايات المتحدة الامريكية
كانت مواقف اردوغان من اسرائيل لا تختلف كثيرا فعندما استشهد الشيخ أحمد ياسين صرح اردوغان قائلا ان اسرائيل دولة ارهابية وهى جملة لم يقدر عليها زعماء العرب مكتملين لعلاقاتهم مع امريكا أو اسرائيل
ظلت العلاقة التركية الامريكية فاترة ثم تحسنت شيئا فشيئا حتى حدث حدثين فى قمة التأزم أولهما موافقة لجنة فى الكونجرس على اعتبار أن ما حدث للارمن على يد العثمانيين الاتراك فى الحرب العالمية الاولى هو ابادة جماعية وهو ما جعل اردوغان يكشر عن انيابه ويصف سياسة امريكا بانها غير متزنة وتغامر بالعلاقات التركية فى مقابل لاشيء واستدعى سفيره من واشنطن بحجة التشاور فى هذا القرار وهنا ظهر الجيش ليقف الى جانب اردوغان ويمنع الجنرالات الاتراك زياراتهم الى واشنطن ويتهمونها صراحة بالتخلى عن مصالحها مع تركيا ذلك الموقف لم يأت من عدم فالحدث الثانى هو مقتل 15 جنديا تركيا فى اشتباكات بين الجيش التركى وحزب العمال الكردستانى الذى يسكن شمال العراق ولم تهاجمه الولايات المتحدة مع انه مصنف حزبا ارهابيا هذا ما استشاط من اجله الجنرالات الاتراك غضبا وهددوا بالدخول الى العراق لسحق حزب العمال الكردستانى وحصلوا على موافقة مبدأية من البرلمان يخولهم لاتخاذ الخطوة فى الوقت المناسب وصرح اردوغان بان تركيا لن تستأذن احدا اذا ارادت الدخول الى العراق وانها مستعدة لتقبل جميع الانتقادات الموجهة لها من المجتمع الدولى
هاذان الملفان هما ما سيحددان تلك العلاقة فاذا صوت الكونجرس على قرار اعتبار ماحدث للارمن هو ابادة جماعية ستتدهور العلاقات الى مستوى من الممكن القول انه من الصعب الرجوع مرة اخرى لشهر العسل الذى قضته الحكومتين قبل ذلك
اما اذا دخلت تركيا العراق فان امريكا لن تستطيع فعل شيء لان صاحبة القرار الان هى تركيا والمستعد للتخلى عن العلاقة المتميزة هى تركيا بجيشها وحكومتها وشعبها
فهى الفائزة فى الحالتين وأمريكا الخاسرة فى الحالتين

تصريحات شيخ الأزهر على حفريات الأقصى

2007-03-26T13:46:00.000-07:00

الى كل من يدعو الى المشاركة فى الاستفتاء

2007-03-25T15:22:00.000-07:00

الى كل من يدعو الى المشاركة فى الاستفتاء
اسمعوا الحدوتة الصغيرة دى

كان يا مكان فى سالف العصر والأوان
معللش معلش أيه التهييس ده
كان يامكان فى استفتاء تم على مادة 67
وكان نفس الموقف دلوقتى وفى ناس قالت روحوا وقولوا لأه
وكان على رأسهم جحافلة الحزب الوطنى "دى مش قضيتنا" المهم
الناس راحت ومحدش عرف حاجة الا والاستفتاء يوافق عليه ويحضره نسبة خرافية
المهم تانى أيه الفرق بين دى وبين الانتخابات

الفرق مهم جدا مافيش قاضى على كل صندوق
وده اللى حصل المرة اللى فاتت
أبو واحد صاحبى الروح بالروح الراجل ده كبير فى السن شغال فى وزارة ما
كان من المشرفين على الانتخابات
بعد التصويت ماحصل بيقول بنفسه أن ماكانش فى عد أصوات ولا حاجة وقالوا النتيجة اللى همنا عايزنها
وخلصوا الموضوع
ولما الراجل المسكين جه يتكلم كانوا هيلبسوه تهمة ويقعدوه فى الحجز
فسكت ولم الدور
أيه رأيكم
هتخشوا تعرفوا اللى بيحصل جوه لجنة الفرز ازاى
طيب انتخابات المجلس كان وفد من كل مرشح لازم يكون موجود
دلوقتى مين هيعرف يعرف ايه اللى بيحصل

خلى عندك دم وماتروحش

2007-03-24T16:27:00.000-07:00

خلى عندك دم وماتروحش
طبعا معظم الشعب المصرى مش فاضى يروح لا انتخابات ولا بطيخ
بس فى نقطة لو هتروح الشغل أو الجامعة وقالولك الامضاء فى مركز الاستفتاء
قول سلامو عليكو وخد المدام والأولاد وروحوا اتفسحوا يوم ترفهوا فيه عن نفسكوا شوية
يعنى هية جت من اليوم ده
فى ملاحظة غريبة جدا وهى أننى لم أجد حتى الان ولم أقابل وجها لوجه من يدافع عن تلك التعديلات
كله كلام فى التفزيون
والأغرب ان مافيش حد خالص ناوى يروح
عايز تسمع حاجة أغرب وأغرب
أن النتيجة هتبقى 80% حضروا التصويت
80%منهم وافقوا على التعديلات
الله أكبر

اللى مايعرفش حاجة عن التعديلات الدستورية
هى تتلخص فى حاجتين قصدى تلاتة
1-مافيش انتخابات تانى خلاص فى أى حاجة كله تعيين
2-مافيش حاجة اسمها دعم على أى حاجة تعليم مش تعليم أكل أى حاجة أنسى حاجة اسمها دعم
3-من حق الشرطى أن يفعل بك ما يشاء بدون ذكر أى أسباب ومن حقه يتصنت على التليفونات ويعتقلك بدون سبب

ودمتم

تمثيلية الست رزة

2007-03-24T16:07:00.000-07:00

وبما أننا هنا نحاول أن نبسط الأمور فسنقول وبكل صراحة موقفنا من الأمريكان وهم شوية عيال عايزة مصلحتها من الآخر يعنى لما انخرسوا ساعة التعديلات الدستورية والمحاكمات العسكرية كانوا محتاجين للنظام فى حاجة أصل الضرب على دماغهم على ودنه فى العراق وكلنا فاكرين يوم ما طلع علينا بوش وقال للحكام العرب مش هاغرق لوحدى وساعدونى احسن هانغرق كلنا سوا

أما أيه حكاية رزة دى أصل أنا بدلعها صحاب يعنى الست رايس
رزة بندلعوها يعنى قبل ما تشرف مصر قالت ان الاستفتاء مش عاجبها فطلع علينا النظام والحكومة بدور عنتر زمانه أنا ما فيش حد يكلمنى كده وكلام من بتاع "مصر لن ترضخ لأى ضغوط" والحكومة استنكرت الحكاية دى كلها وكأنهم مش لاعبينها مع بعض
بس فى حاجة تفرس فى الست رزة هيه ليه هتقابل رؤساء المخابرات بأمارة أيه الناس عارفة ان بتاع الامخابرات ده ما يقابلش أى حد كده هى كوسة
أكيد علشان كوندى تلمهم فى أسوان وتمليهم هيعملوا أيه الفترة الجاية أصل وزراء الخاجية مش بيوصلوا الكلام كويس لبتوع المخابرات أنا مش فاهم بجد المهم رزة راحت أسوان المرة دى مش عارف فيه أيه فى أسوان يمكن فى مقبرة جديدة اكتشفوها ورايحة تاخد ناصيبها الله أعلم

كفانا يا شيخ الأزهر .....حرام عليك

2007-03-24T04:52:00.000-07:00

أكد الدكتور محمد سيد طنطاوي شيخ الأزهر، أن مقاطعة الاستفتاء علي التعديلات الدستورية بمثابة كتمان للشهادة، موضحاً أن علي كل شخص الإدلاء بشهادته فيها استجابة لقوله تعالي «ولا تكتموا الشهادة، ومن يكتمها فإنه آثم قلبه».

وقال شيخ الأزهر في المؤتمر الصحفي، الذي عقد أمس بمحافظة المنيا عقب افتتاح مسجد الإذاعة والتليفزيون: «إن علي كل مواطن أن يدلي بصوته، ولا أحد سيجبره علي اختيار ما لا يريده، فمن حقه أن يرفض التعديلات أو يؤيده

هذا تماما ما ذكته صحيفة المصرى اليوم على لسان شيخ أزهرنا الحبيب

لا تتعجب فانها ارادة الله هذا هو الحال الذى وصلنا اليه

ادخال الدين فى السياسة جريمة كبرى سيحاسبون الاخوان فقط عليها

فهم ليسوا مصريين هم ظلاميين

أما شيخ الازهر اللى تدخل فى السياسة وحكم على الناس
وقال ما لم يقله الاخوان فى السياسة

أدعوك ياشيخ الازهر وبعد حكاية ذهابك الى الفاتيكان هى الاخرى

أن تستقيل من ذلك من ذلك المنصب و تترك الأزهر

ثم هناك شوية تعليقات على كلام فضيلته أولا كتمان الشهادة غير متوافر لأن الناس قالت رأيها فى الاستفتاء فقبض عليهم وضربوا وسحلوا ثانيا :لا أحد سيجبره بجد أين أنت يا شيخ الازهر أصبحت فى بلد آ خر غير بلدنا الحبيب أم أنك نسيت ما يحدث فى مصر فى الانتخابات والاستفتاءات ثالثا:لماذا لا يتحفنا شيخ الأزهر بقوله فى التعذيب فى الاقسام والسجون لماذا لا يقول رأيه فى تزوير الانتخابات وتزوير الارادة الشعبية
واحتكار الحديد
وتوريث السلطة
أم أن التصريحات تأتى فقط فى تلك المواقف ولا يسعنا الا أن نقول لوالدنا الكبير شيخ الازهر اتق الله وابتعد عن الظلمة فان نهايتهم أنت تعرفها جيدا وكنت تدرسها لطلابك

هدانا الله وأياكم

أغنية جديدة مش عارف سمعتوها وللا لأه

2007-03-21T15:46:00.000-07:00

أغنية جديدة مش عارف سمعتوها وللا لأه

بس شديدة صوت الراجل روعة وكلماتها أروع

حمل ولن تندم

هنا

التعديل الدستورى.... للبسطاء فقط

2007-03-19T16:41:00.001-07:00

هذا هو النظام الجديد

2007-03-19T15:38:00.000-07:00

هذا هو النظام الجديد فى بلدنا

كان أيام زمان هتعيش ندل وتموت مستور

بعد كل تلك التبجحات الخبيثة وقتل الناس فى القطارات والعبارات والعمارات وقصور الثقافة والخ الخ
لم يعد هناك مكان ووقت للسكوت فاما أن تأخذ حقك بأيدك واما تضيع للابد وأول مصيبة وأكبر مصيبة عندنا

التعديلات الدستورية اللى هتسففك التراب انت وانا وكل المصريين

فارسل رسالتى هنا الى كل من يقول وانا مالى والبلد بايظة بايظة
هتعيش ندل هتموت محروق